بە ڤیدیۆ؛ گۆڵێکی شەرمەزارکەر خەونی لەمێژینەی هیندیەکانی وێرانکرد
یاریگا –
هەڵبژاردەی هیندیستان ئەم جارەیش نەیانتوانی بە خەونی لەمێژینەیان بگەن کە بەشداربوونە لە یارییەکانی جامی جیهانی، پاڵەوانێتیەک کە هەرگیز هیندیەکان پێینەگەشتوون لە مێژووی دورودرێژی خۆیاندا.
ئەمشەو لە گەڕی شەشەمی پاڵاوتنەکانی کیشوەری ئاسیا بۆ گەیشتن بە مۆندیالی 2026، لە کۆمەڵەی یەکەم قەتەر و هیندستان رووبەڕوو بوونەوە لە یاریگای جاسم بن حەمەد لە دۆحەی پایتەخت. هەڵبژاردەی میوان لە خولەکی 37 توانیان دەستپێشخەریی بکەن و تۆڕی خاوەنماڵ بهەژێنن. درێژەیان بەو ئەنجامە دا تا لە خولەکی 73 لە حاڵەتێکی ئێجگار جێ-مشتومڕدا قەتەرییەکان ئەنجامەکەیان یەکسانکردەوە لە تۆپێک کە لە زۆربەی گۆشەکانەوە وا دەردکەوت چووبێتە دەرەوەی کۆتا هێڵی یاریگا، بەڵام ناوبژیوانی سەرهێڵ نەیبینی و یاریزانانی قەتەر تۆپەکەیان هێنایەوە و گۆڵیان پێتۆمارکرد.
گۆڵەکە هەرزوو کاردانەوەی بەدوای خۆیدا هێنا و میدیاکان بەبایەخەوە سەرنجیان خستە سەری.
لە یەکەم کاردانەوەدا پێگەی مەیڵی ئینگلیزی بە “گۆڵی تارمایی” ناوزەدی کرد، کە وەسفە بۆ ئەو حاڵەتانەی تۆپ هێڵی کۆتایی یاریگا تێدەپەڕێنێت بەڵام دواتر بڕیاریی بەردەوامبوونی یاری لێدەدرێ لەلایەن ناوبژیوانەوە.
هەمان سەرچاوە لە پێگەی ئێکس نووسیویانە “هیندستان دزی لێکرا”
India have been robbed 😱
Watch 👉 https://t.co/WmaUf8iPja pic.twitter.com/aips8aWzaB
— Mail Sport (@MailSport) June 11, 2024
ڤیدیۆی گۆڵەکە:
Qatar vs India: Goal or not?
The goal line technology is used. If a small portion of the ball is still on the line then the goal line technology will indicate. That is why goals like this stand. Independent review is required.
— Shafi'i Hamidu (@shafiihamidu) June 11, 2024
ئەوە هەڵمەتی هاندەرانی هیندستان لەولاوە بوەستێت کە سۆشیاڵ میدیایان تەنیوە بە کاردانەوەکانیان لەپای ئەو هەڵە ناوبژیوانیە کە هەڵبژاردەکەیان باجەکەی دا.
قەتەرییەکان جارێکیتر لە خولەکی 85 گەڕانەوە و ئەنجامەکەیان کرد بە 2-1 و بەوەش خۆیان پلەی یەکەم، هەڵبژاردەی کوێت بە حەوت خاڵەوە و هیندستانیش بە پێنج خاڵ پلەکانی دووەم و سێیەمیان گرت. هەرچی ئەفغانستانیشە لە پلەی چوارەم گیرساوەتەوە.
