براوەی ئەم وەرزەی فانتاسی پرێمەرلیگ چەند خاڵی کۆکردەوە و چی پێدەدرێت؟
یاریگا –
پیاوێکی نەرویجی بە کۆکردنەوەی 2,799 خاڵ پلەی یەکەمی لەم وەرزەی فانتاسی پرێمەرلیگ بەدەستهێنا و زۆرترین خاڵی لەم وەرزە کۆکردەوە و بووە براوەی فانتاسی ئەم وەرزە.
ئەم پیاوە نەرویجییە کە تیمەکەی بەناوی ONKEL BLAA نراوە، ئەم وەرزە بە جیاوازیی 46 خاڵ پلەی یەکەمی بردەوە و لەکۆی نزیکەی 11 ملیۆن یاریزان لە سەرانسەری جیهان توانی پلە یەکەم بەدەست بهێنێت.
یۆناس لە پلاتفۆڕمی X لەبارەی بەدەستهێنانی پلەی یەکەم نووسیویەتی :لە فانتاسی پلەی یەکەمم بەدەستهێنا!! نازانم چ بڵێم و هیچ وشەیەک نادۆزمەوە گوزارشت لە هەستی خۆم بکەم، من لە منداڵییەوە خەریکی یاریی فانتاسیم’.
Introducing your #FPL 2023/24 champion, @ASC_FPL! 🏆
Congratulations, Jonas! 👏 pic.twitter.com/1rEJxQsi2X
— Fantasy Premier League (@OfficialFPL) May 19, 2024
فانتاسی پرێمەرلیگ یارییەکی تایبەتی خولەکەیە بۆ هاندەران کە هەر گەڕێک دەتوانن پێکهاتەیەک دەتسنیشان بکەن و پێشبینی ئەنجام و ئاستی باشی یاریزانانی خولەکە بکەن، ساڵی 2002 فانتاسی پرێمەرلیگ دامەزراوە و ئێستا ساڵانە دەیان ملیۆن کەس ئەم یارییە دەکەن.
خەڵاتەکانی پلەی یەکەمی فانتاسی پرێمەرلیگ چین؟
1- گەشتێکی حەفت رۆژی لە ئینگلتەرا و بەخشینی بلیتی VIP هۆسپیتاڵیتی دوو یاریی وەرزی داهاتووی پرێمەرلیگ.
2- سەردانیکردنی بەناوبانگترین و گرنگترین شوێنە گەستیارییەکانی بەریتانیا.
3- گواستنەوە گەیاندن و شوێنی مانەوە بۆ ماوەی حەفت شەو.
4- کاتژمێرێکی دەستی لە مارکەی hublot کە سپۆنسەری پرێمەرلیگە.
5- تۆپێکی فەرمی کۆمپانیای نایکی تایبەت بە یارییەکانی پرێمەرلیگ.
6- ڤیدیۆ گەیمی EA Sports FC.
7- لاپتۆپێک یان مۆبایلێکی سمارتفۆن.
8- ئامێرێکی ئایرپۆد.
9- قەڵەم و تیشێرت و جانتا و کەرەستەی دیکەی جوانکاری.
A few words from our champion, @ASC_FPL 🗣️#FPL pic.twitter.com/Xny6sChZvz
— Fantasy Premier League (@OfficialFPL) May 19, 2024
