یاریزانێك رۆیشتنی لە بایرن میونشن راگەیاند
یاریگا –
یاریزانێك رۆیشتنی خۆی لە ریزەكانی بایرن میونشن لە كۆتایی وەرز راگەیاند.
شەوی رابردوو بایرن میونشن كۆتا یاری خۆی لەم وەرزەی بۆندسلیگا لە یاریگای ئالیانز ئارێنا ئەنجامدا، میوانداری ڤۆڵڤسبۆرگی كرد و یارییەكەشی بە دوو گۆڵی بێ وەڵام لێ بردەوە، لە میانی یارییەكانی هەفتەی 33ی بۆندسلیگا.
لە ماوەی رابردوودا یانە ئەڵمانیەكە رۆیشتنی تۆماس توخێلی راهێنەری لە كۆتایی وەرز راگەیاند.
🚨🇨🇲 Eric Choupo-Moting leaves Bayern as free agent at the end of the season, decision confirmed.
Bouna Sarr and Choupo-Moting will look for new club in the summer. pic.twitter.com/MYkt5P19np
— Fabrizio Romano (@FabrizioRomano) May 12, 2024
چوپۆ مۆتینگ، هێرشبەری كامیرۆنی بایرن میونشن لە كۆتایی وەرزدا و دوای كۆتاییهاتنی گرێبەستەكەی ریزەكانی یانە ئەڵمانیەكە جێدەهێڵێت.
هەروەها بۆنا سار بەرگریكاری سێنیگالی هاوشێوەی چوپۆ مۆتینگ لە كۆتایی وەرزدا و دوای كۆتاییهاتنی گرێبەستەكەی یانەكەی جێدەهێڵێت.
بایەر لیڤەركوزن بە كۆكردنەوەی 87 خاڵ لە پێشەنگی ریزبەندی بۆندسلیگا دێت و توانی نازناوی ئەم وەرزەی خولی ئەڵمانی بەدەستبهێنێت.
