یاریگا –
کیلیان ئێمباپێی فەرەنسی واژۆی بۆ یانەی ریال مەدریدی ئیسپانی کردووە.
رۆژنامەنووسی فەڕەنسی، عەبدوڵا بولما بڵاویکردووەتەوە، کیلیان ئێمباپێ گرێبەستەی لەگەڵ ریال مەدرید واژۆ کردووە و بووە بە یاریزانێکی نوێی یانە ئیسپانییەکە.
بەپێی زانیارییەکانی عەبدوڵا، ئەستێرە فەڕەنسییەکە لە دەوروبەری 21ـی شوبات لەگەڵ نوێنەرانی ریال مەدرید کۆبووەتەوەو واژۆی لەسەر پەڕاوی گرێبەستەکەی کردووە.
Kylian Mbappé s’est d’ores et déjà engagé avec le Real Madrid. L’international français a paraphé son contrat aux alentours du 21 février📍
— Abdellah Boulma (@AbdellahBoulma) May 10, 2024
هاوکات دوێنێ پێنجشەممە رۆژنامەی لیکیپی فەڕەنسی بڵاویکردەوە، رۆژی یەکشەممەی داهاتوو، کیلیان ئێمباپێ لە یاریگای پارک دێ پرێنسیس ماڵئاوایی لە پاریس سانجێرمان و هاندەرانی یانەکە دەکات.
رۆژی یەکشەممە لە یارییەکانی گەڕی 33ـی خولی فەڕەنسی، پاریس سانجێرمان لە یاریگای خۆی میوانداری تۆڵوز دەکات، ئەو یارییەش کۆتا یاری پاریسە لە یاریگای خۆی لەم وەرزەی خولەکەدا.
بۆیە یارییەکەی تۆڵۆز دەبێت بە کۆتا یاری کیلیان ئێمباپێ لە یاریگای پارک دێ پرێنسیس بە درێسی سانجێرمان.
ئێمباپێ لە هاوینی 2018 بەبڕی 180 ملیۆن یۆرۆ لە مۆناکۆی فەڕەنسییەوە پەیوەندی بە پاریس کرد، بە درێسی یانەکەی ئێستای لە سەرجەم پاڵەوانێتییەکاندا 306 یاری کردووە، 255 گۆڵی کردووە و 108 گۆڵیشی درووستکردووە.
