ئەستێرەکەی بارسێلۆنا لە وەرزی داهاتوو بێبەش دەبێت
یاریگا –
پابلۆ گاڤی، ناوەڕاستکارەکەی بارسێلۆنا کە ماوەیەکی زۆرە بەهۆی پێکانەوە لە بەستەرەکانی ئەژنۆیدا لە یاریگاکان دوورکەوتووەتەوە، پێدەچێت تاوەکوو کانوونی دووەم نەتوانێت بگەڕێتەوە.
بارسێلۆنا لە سەرەتای مانگی کانوونی دووەمی ساڵی رابردوودا پشتڕاستی کردەوە کە گاڤی تووشی پێکانێکی سەختی ئەژنۆی بووە و پێوسیتی بە نەشتەرگەرییە. ئەم یاریزانە تەمەن 19 ساڵە لە یاریی پاڵاوتنەکانی یۆرۆی 2024ی ئیسپانیا بەرامبەر جۆرجیا تووشی دڕانی بەستەرێکی ئەژنۆی بوو و لە یارییەکانی دیکەی وەرز و یۆرۆی 2024دا بێبەش بوو.
سەرەتا راگەیەندرا کە گاڤی دەتوانێت لە هاویندا بگەڕێتەوە و بەشداری کەمپی پێش وەرز بکات، بەڵام ئەمڕۆ پێگەی ئاس نووسیویەتی دوای 6 مانگ لە پێکانەکەی گاڤی تەنها 50% چاک بووەتەوە و بە هەموو ئەگەرێکەوە تاوەکوو مانگی نۆڤەمبەر ناتوانێت دەست بە یاریی کردن بکاتەوە.
Gavi’s return is going slower than Barcelona thought. The club expect him to return in October or November.
— @fansjavimiguel pic.twitter.com/Vtuhg6sgJk
— Barça Universal (@BarcaUniversal) May 9, 2024
ئەگەر هەموو شتێک بە باشی بەڕێوە بچێت، رەنگە گاڤی دوو مانگ پێش کۆتایی هاتنی ساڵی 2024 بتوانێت پەیوەندی بە مەشقەکانی بارسا بکاتەوە، بەڵام بۆ تەواو دڵنیا بوونەوە لە ئەگەری چاک بوونەوەی باشترە تاوەکوو نیو وەرزی زستانە یاریی نەکات.
ئامادەنەبوونی گاڤی لەم وەرزەدا گورزێکی قەرەبوو نەکراوەی لە بارسێلۆنا داوە، چاڤیش دەیەوێت بە وریاییەوە مامەڵەی لەگەڵدا بکات.
