یاریگا –
كارلۆ ئانچێلۆتی، راهێنەری ئیتاڵی یانەی ریال مەدریدی ئیسپانی لە ریكۆردێكدا پێش زینەدین زیدانی فەڕەنسی و راهێنەری پێشووتری یانە شاهانەكەی دایەوە.
شەوی رابردوو دوای بردنەوەی ریال مەدرید لە كادێز و دۆڕانی بارسێلۆنا بەرامبەر جیڕۆنا، بەشێوەیەكی فەرمی تیمەكەی كارلۆ ئانچێلۆتی بوون بە پاڵەوانی ئەم وەرزەی لالیگای ئیسپانیا.
🙌 ¡SOMOS LOS CAMPEONES DE LALIGA 2023/24! 🙌 pic.twitter.com/jSGlGbooKv
— Real Madrid C.F. (@realmadrid) May 4, 2024
وەرزی رابردوو بارسێلۆنا بە راهێنەرایەتیكردنی چاڤی هێرناندێز توانییان ببنە پاڵەوانی خولەكە.
لەدوای بردنەوەی نازناوی لالیگا، ئانچێلۆتی كۆی نازناوەكانی لەگەڵ ریال مەدرید بۆ 12 نازناو بەرزكردەوە، بەوەش بە نازناوێك زیاتر پێش زینەدین زیدانی دایەوە.
زیدان بۆ بردنەوەی 11 نازناوەكەی پێوویستی بە 263 یاری بوو، لەبەرامبەردا كارلۆ ئانچێلۆتی بە 286 یاری 12 نازناوی بۆ یانەكەی بردەوە.
🚨 𝐎𝐅𝐅𝐈𝐂𝐈𝐀𝐋: Ancelotti has now overtaken Zinedine Zidane’s Real Madrid trophy tally.
Legendary managers. pic.twitter.com/bKLDCRwzzS
— Madrid Xtra (@MadridXtra) May 4, 2024
راهێنەرە ئیتاڵییەكە لە ریزبەندی دووەمی ئەو راهێنەرانە دێت كە خاوەنی زۆرترین نازناون بۆ ریال مەدرید، لە پلەی یەكەم میگێل مونێز دێت كە 14 نازناوی بۆ مەدرید بردووەتەوە.
