یاریگا –
کارل هاینز رومێنیگێ، بەڕێوەبەری جێبەجێکاری پێشووی یانەی بایرن میونشن پێی وایە پێویستە یوپ هاینکس و پیپ گواردیۆلای ئیسپانی نمونه‌ی باڵای هەوڵەکانی یانە باڤارییەکەبن بۆ دۆزینەوەی راهێنەرێکی نوێ.
رومێنیگێ، ئەندامی دەستەی سەرپەرشتیاری یانە باڤارییەکە، لە پۆدکاستی بزنس و ستایل گوتی، دەبێت راهێنه‌رێكی تر بدۆزینه‌وه، کە بە هەمان شێوه‌ی یوپ و پیپ ئاگاداری دۆخی یانەکە دەبێت، ئەمە پێوەرەکەیە بژارده‌كه‌مان ئەستەم ده‌كات، به‌ڵام ده‌بێت هه‌وڵ بۆ هێنانی راهێنه‌رێكی له‌م جۆره بده‌ین.
رومێنیگێ ده‌شڵێت، په‌یوه‌ندی نێوان یانه‌كه له‌گه‌ڵ تۆخێل باش نیه، راهێنه‌ره‌كه‌ش له‌گه‌ڵ یاریزانه‌كان په‌یوه‌ندییه‌كی باش نیه و ناگونجێت.
رۆمێنیگێ به كاروانی راهێنه‌رایه‌تی هاینکس و گواردیۆلا له‌گه‌ڵ یانه‌ی بایرن میونشن سه‌رسامبوو، له پێشتریش له چه‌ند بۆنه‌یه‌كی جیاواز به‌روونی دانی پێداناوه.
