یاریگا –
وەزارەتی دادی تورکیا لێکۆڵینەوە لەگەڵ یاریزانێکی ئیسرائیلی دەکات.
ساگیڤ یێهیزکێڵ، هێرشبەری ئەنتاڵیا سپۆر بە تۆمەتی کاری دوژمنکارانە و بڵاوکردنەوەی رق، لێکۆڵینەوەی لەگەڵدا دەکرێت.
لە یاری نێوان ئەنتاڵیا سپۆر و ترابزۆن سپۆر لە سوپەرلیگی تورکیا، یێهیزکێڵ، گۆڵێکی کرد و برینپێچێکی لەدەست چەپەی دانابوو و رێکەوتی 7/10 و ژمارە 100ی لەسەر نووسیبوو. ئەمەش وەک ئاماژەیەک بۆ تێپەڕبوونی 100 رۆژ بەسەر هێرشی بزووتنەوەی حەماس بۆ سەر ئیسرائیل.
یڵماز تونج، وەزیری دادی تورکیا لە پلاتفۆرمی ئێکس نووسیویەتی
داواکاری گشتی لە ئەنتاڵیا لێکۆڵینەوەی لە دژی ساگیڤ یێهیزکێڵ، هێرشبەری ئیسرائیلی دەستپێکردووە، بڕیارەکەش بە تۆمەتی هاندانی خەڵکە بۆ رقلێبوونەوە و زیادکردنی کاری دوژمنکارانە. ئەمەش بە هۆی ئاماژە ناشرینەکانی کە پاڵپشتی لە کوشتارگەری ئیسرائیل لە غەزە دەکات.
Bugün oynanan Antalyaspor-Trabzonspor Süper Lig müsabakasında attığı golden sonra İsrail’in #Gazze‘de yaptığı katliamı destekleyen çirkin hareketi nedeniyle İsrailli futbolcu Sagiv Jehezkel hakkında Antalya Cumhuriyet Başsavcılığınca ‘halkı kin ve düşmanlığa alenen tahrik etmek’…
— Yılmaz TUNÇ (@yilmaztunc) January 14, 2024
لە دوای بڕیارەکەی داواکاری گشتی، یانە تورکییەکە ساگیڤی لە پێکهاتە دوورخستەوە و چاوەڕێی ئەنجامی لێکۆڵینەوەکان دەکات.
