یاریگا –
لیژنەی خولی ئیتاڵیا، رێکەوتی بەڕێوەچوونی یارییەکانی جامی سوپەر کە بڕیارە لە ریازی پایتەختی سعودیە بەڕێوەبچێت، بڵاوکردەوە.
لە 13ی مانگی ئاداری ئەمساڵدا، لیژنەی خولی ئیتاڵیا بڵاویکردبووەوە، یارییەکانی جامی سوپەر بۆ چوار تاوەکو شەشی ساڵی داهاتوو لە سعودیە بە بەشداری چوار یانە بەڕێوەدەچێت.
لە دوای کۆبوونەوەی کۆمەڵەی گشتی لیژنەکە، بڕیاردا یارییەکانی جامی سوپەر لە 18 و 22ی مانگی داهاتوو بەڕێوەبچن.
🚨 @MnbrIl 🚨
The Italian Super Cup will be held in Riyadh at Al Awwal Park 🇸🇦🇮🇹🏆
• Napoli x Fiorentina – Thursday, January 18
• Inter x Lazio – Friday, January 19
• The final is on Monday, January 22
🏟️ All matches will be played at Al Awwal Park. pic.twitter.com/fgnA5E5rWi
— Al Nassr Zone (@TheNassrZone) December 18, 2023
یانەکانی ناپۆلی، پاڵەوانی سێریا ئەی و لازیۆی خاوەن پلەی دووەم و ئینتەر میلانی خاوەن جامی ئیتاڵیا و فیۆرێنتینای خاوەن پلەی دووەمی جامی ئیتاڵیا، بەشداری لە جامی سوپەر دەکەن.
لەگەڵ بەڕێوەچوونی جامی سوپەر ئیتاڵیا، یارییەکانی سێریا ئەی ناوەستن، بەڵکو یارییەکانی گەڕی 21ی خولەکە بەبێ هەر چوار یانەکە دەکرێت و دواتر یارییە دواخراوەکە دەکەنەوە.
لە ساڵی 2018-ەوە، سێ جار جامی سوپەری ئیتاڵیا لە سعودیە بەڕێوەچووە.
