کاپتنی میلان : بەمجۆرە ئامۆژگاری کاماردا م کرد
شەوی رابردوو شەوێکی مێژوویی بوو بۆ ئەیسی میلان و فرانسیسکۆ کاماردا، کاتێک کاماردای 15 ساڵان بووە لاوترین یاریزانی مێژووی خولی ئیتاڵی و یانەکە.
کاماردا لە نیوەی دووهەمی یاری میلان و فیۆرەنتینا بەشداریکرد لە کاتێکدا تەمەنی تەنها 15 ساڵە. دەیڤد کالابریای کاپتنی ئەیسی میلان دوای یارییەکە بۆ سکای سپۆرت ئاشکرایکرد ئامۆژگاری کاماردای کردووە و پێی وتووە
هەندێک شتم پێ وت، ئەو بەدڵنیاییەوە بەهرەکەی هەیە بەڵام بەهەمان شێوە بۆ زۆر یاریزانی دیکەی لاو. ئەو دەبێت چێژ لەم ساتە وەربگرێت بەڵام هەروەها بە رژدی کار بکات لە هەمووان زیاتر تاوەکو بگات بە سەرکەوتن. ئێمەش هاوکار و هاوڕێگەی دەبین لەم گەشتەی دا.
یاریکردنی کاماردا دوای ئەوە هات کە لوکا یۆڤیج تەنها هێرشبەری یانەکە بوو بۆ یارییەکەی فیۆرەنتینا ئامادەبێت بەهۆی پێکان و راگیرانی هێرشبەرەکانی دیکەیان.
بردنەوەکەی میلانیش لە ڤیۆلا پاش چوار یاری هات بێ بردنەوە لە خولی ئیتاڵی.
Calabria a Sky: “Successo importante, la prestazione passa in secondo piano. Camarda? Deve godersela” https://t.co/yyQ29l1ZqN
— MilanNews.it (@MilanNewsit) November 25, 2023
