یاریگا –
گۆڵپارێزی ئیسپانی، کێپا ئاریزابالاگا، گەڕایەوە مەشقەکانی یانەی ریال مەدرید.
کێپا لە سەرەتای ئەم مانگە تووشی پێکان بوو، بەو هۆیە نەیتوانی لە دوو یاری یانەکەی بەرامبەر یانەکانی سپۆرتینگ بڕاگا لە چامپیۆنزلیگ و ڤاڵێنسیا لە لالیگا یاری بکات.
بەڵام گۆڵپارێزە ئیپسانییەکە ئەمڕۆ گەڕایەوە مەشق و راهێنانەکانی یانەکەی، بەشێوەیەکی ئاسایی لەسەر چیمەنی یاریگا بەشداری مەشقەکانی کرد.
🚨 Kepa is back on the pitch! pic.twitter.com/G3mSoAH5IO
— Madrid Xtra (@MadridXtra) November 23, 2023
گەڕانەوەی گۆڵپارێزە تەمەن 29 ساڵانییەکە لەم کاتە هەستیارە هەواڵێکی خۆشە بۆ کارلۆ ئانچێلۆتی راهێنەری یانەکە، دوای ئەوەی مێرێنگی لە پشووە نێودەوڵەتییەکان دوو گورزی کووشندەی بەرکەوت، هەریەکە لە کاماڤینگا و ڤینیسیۆس جونیۆر بەهۆی پێکان تا ساڵی داهاتوو لە یاریکردن دادەبڕێن.
کێپا لەم هاوینە بەشێوەی خواستن لە چێڵسی ئینگلیزییەوە گواسترایەوە بۆ ریال مەدرید، ئەمەش دوای ئەوەی تیبۆ کۆرتوای بەلجیکی و گۆڵپارێزی سەرەکی تیپەکە تووشی پچڕانی بەستەری ئەژنۆی بوو.
ئاریزابالاگا لەم وەرزە 13 یاری بە درێسی ریال مەدرید کردووە، 10 گۆڵی لێکراوە، لە 6 یاریشدا تۆڕی گۆڵەکەی بە خاوێنی پاراستووە.
Hasta el final… VAMOS REAL 🤍@realmadrid pic.twitter.com/rneJqQP9Ic
— Kepa Arrizabalaga (@kepa_46) October 28, 2023
