یاریگا –
بەشێوەیەكی فەرمی ئیدواردۆ كاماڤینگای فەڕەنسی و ئەستێرەی یانەی ریال مەدریدی ئیسپانی گرێبەستەكەی لەگەڵ یانەكەی بۆ ماوەیەكی درێژ نوێ كردەوە.
گرێبەستەكەی پێشووی كاماڤینگا لەگەڵ ریال مەدرید لە هاوینی ساڵی 2027 بەسەردەچوو.
💫🌪️ #Camavinga2029 💫🌪️ pic.twitter.com/2paiE8mKE1
— Real Madrid C.F. (@realmadrid) November 7, 2023
كەمێك پێش ئێستا هەژماری فەرمی ریال مەدرید لە پلاتفۆرمی ئێكس نوێكردنەوەی گرێبەستی ناوەڕاستكارەكەی تا هاوینی ساڵی 2029 راگەیاند.
كاماڤینگا لە ساڵی 2021 پەیوەندی بە یانە شاهانەكەوە كرد و لە ماوەی دوو وەرزدا شەش نازناوی لەگەڵ ئەو یانەیە بردەوە.
لاوە تەمەن 20 ساڵانەكە لەگەڵ مەدرید 114 یاری كردووە و لە ماوەی هەردوو ساڵەكەدا پاڵێوراوی خەڵاتی گۆڵدن بۆی بۆ باشترین یاریزانی لاو بووە.
⚪️🔒 New release clause for Eduardo Camavinga at Real Madrid: €1B. pic.twitter.com/iJT49mEFQj
— Fabrizio Romano (@FabrizioRomano) November 7, 2023
فابریزیۆ رۆمانۆ لە هەژماری تایبەتی خۆی ئاشكرایكرد بڕی هەڵوەشاندنەوەی گرێبەستە نوێیەكەی كاماڤینگا لەگەڵ مەدرید یەك ملیار یۆرۆیە.
لە كۆتا 7 رۆژدا یانە شاهانەكە گرێبەستی سێ یاریزانی سەرەكی یانەكەی ڤینیسیۆس جونیۆر تا ساڵی 2027 رۆدریگۆ تا سالی 2028 كاماڤینگا تا ساڵی 2029 نوێ كردەوە.
