فێرمین لۆپێز نزیکبوو ببێتە مەدریدی
یاریگا
فێرمین لۆپێز هێرشبەری لاوی یانەی بارسێلۆنای ئیسپانیا بەهۆی ئاستە بەرزەکەی لەو چەند یاریی یانەکەی پێشکەشی کردووە، بووەتە باسی گەرمی میدیاکانی جیهان.
هێرشبەرە لاوەکەی بلاوگرانا بۆ جاری یەکەم، لە یاریی کلاسیکۆی دۆستانە بەرامبەر ریال مەدرید خۆی ناساند، دوای ئەوەی توانی لەو یارییە یەکێک لە گۆڵەکانی یانەکەی بەرامبەر رکابەرە مێژووییەکەیان بکات.
ماڵپەری ریلیڤۆی ئیسپانی بڵاویکردەوە، تەنها ساڵێک لەمەوبەر لۆپێز بووە ئامانجی تیپی کاستیای ریال مەدرید، بەرپرسانی ئەو یانەیە لە نزیکەوە چاودێری تواناکانی ئەو یاریزانەیان دەکرد، بەڵام دواجار گواستنەوەکە سەرکەوتوو نەبوو.
سەرچاوەکە بڵاویشی کردەوە ئەو کاتەی مێرنگی گرنگی بە تواناکانی فێرمین لۆپێز هێرشبەرەکەی بارسای دەدا، ئەو یاریزانە سالێک لە گرێبەستەکەی هەبوو، بۆیە کارگێری ریال مەدرید پێیانوابوو ئەستەمە یانەکەی دەستبەرداری بن.
