یاریگا –
کاڵڤن فیلیپس بە شێوەیەکی سەرنجڕاکێش درێسەکەی دەبەخشێت بە منداڵیک.
کاڵڤن فیلیپسی ئەستێرەی هەڵبژاردەی ئینگڵتەڕا، پاش تەواوبوونی مەشقەکانی هەڵبژاردەکی واژۆ بۆ هاندەران دەکات. لەو کاتەدا منداڵێک چاو دەبڕێتە درێسەکەی، زیرەکی خۆی بەکاردەهێنێت بۆ بەدەستهێنانی.
منداڵەکە لە کاڵڤن دەپرسێت، لە ژێرەوە هیچت لەبەرە؟ ئەستێرەکەی ئینگڵتەڕا لە وەڵامدا دەڵێت بەڵێ، درێسەکەمت دەوێت؟
منداڵەکەیش پێشنیار دەکات یاری بەرد، وەرەقە، مەقەست بکەن، ئەگەر توانی یارییەکە بباتەوە ئەوا دەبێت بە خاوەنی درێسەکە.
ئەستێرە تەمەن 27 ساڵانییەکە، بەدەم خەندەوە بە داوای منداڵەکە رازی دەبێت، یارییەکەیش دەدۆڕێنێت و درێسەکەی پێشکەش بە منداڵەکە دەکات.
Kalvin Phillips definitely gets it ❤️
We had the privilege of going to meet the England players after training at St George’s Park & @Kalvinphillips made sure FBB young person Mlu had a moment he’ll never forget ❤️
Shout out @nikefootball & @england for the amazing opportunity! pic.twitter.com/ANO2mKP2x3
— Football Beyond Borders (@FBeyondBorders) October 10, 2023
بێگومان هەموو ئەمانە تەنیا چەند خولەکێکی کەم دەخایەنن بەڵام بۆ هەتا هەتایە یادەوەرییەکی جوان و شیرین لە هزری ئەو منداڵەدا درووست دەکەن و دڵخۆشییەکی زۆری پێدەبەخشرێت.
فیلیپس ئێستا لەگەڵ هەڵبژاردەی وڵاتەکەی سەرقاڵی مەشقەکانە، بڕیارە لە 13ـی ئەم مانگە لە یارییەکی دۆستانە رووبەڕووی هەڵبژاردەی ئوستراڵیا ببنەوە، چوار رۆژ دواتریش لە پاڵاوتنەکانی جامی نەتەوەکانی ئەوروپا رووبەڕووی ئیتاڵیا دەبنەوە.
The work continues for both teams at St. George’s Park during October camp. pic.twitter.com/Pk9cRfkFTO
— England (@England) October 11, 2023
