یاریگا –
بە شێوەیەکی فەرمی لامین یامال، گرێبەستەکەی لەگەڵ یانەی بارسێلۆنا نوێکردەوە.
کەمێک لەمەوبەر پێگەی فەرمی بارسێلۆنا بڵاویکردەوە، ئەمڕۆ دووشەممە بە ئامادەبوونی خوان لاپۆرتای سەرۆکی یانەکە، لامین یامال واژۆی لەسەر گرێبەستێکی نوێ کرد، بۆ کاتێکی درێژخایەن لە یانە کاتالۆنییەکە دەمێنێتەوە.
گرێبەستە نوێیەکەی یامال لەگەڵ بارسێلۆنا تا هاوینی ساڵی 2026 دەبێت. مەرجی هەڵوەشاندنەوەی گرێبەستەکەیش یەک ملیار یۆرۆیە.
𝐋𝐀𝐌𝐈𝐍𝐄 𝐘𝐀𝐌𝐀𝐋 𝟐𝟎𝟐𝟔 pic.twitter.com/9LUn7qcH9k
— FC Barcelona – Masia (@FCBmasia) October 2, 2023
یامال لە لە 29ی نیسانی 2023 کە تەمەنی تەنیا 15 ساڵ و 9 مانگ و 16 رۆژ بوو، یەکەم یاری خۆی لە لالیگا بە درێسی بارسێلۆنا بەرامبەر بە ریال بێتیس ئەنجامدا.
یاریزانە تەمەن 16 ساڵانییەکە هەرزوو جێگەی خۆی لە پێکهاتەی سەرەکی تیپەکەی کردەوە، لەم وەرزەیش لەلایەن چاڤی هێرناندێزی راهێنەری یانەکە وەک یاریزانێکی سەرەکی پشتی پێ دەبەسترێت.
ئەمە لە کاتێکدایە مانگی رابردوو بۆ یەکەمجار بانگهێشتی هەڵبژاردەی ئیسپانیا کرا، بوو بە لاوترین یاریزان لە مێژوودا درێسی ماتادۆر بپۆشێت، بەوەیش نەوەستا و بوو بە لاوترین یاریزان لە مێژوودا گۆڵ بۆ پاڵەوانی مۆندیالی 2010 بکات.
