هاری کەین: توخێل یەکێک لە باشترین راهێنەرەکانی جیهانە
یاریگا
هاری کەین هێرشبەری یانەی بایرن میونشنی ئەڵمانیا پێشس یاریی یانەکەی بەرامبەر مانچێستەر یونایتد، ستایشی توماس توخێل راهێنەری یانەکەی کرد.
یاریزانە ئینگلیزیەکە لەبارەی راهێنەری یانەکەی دەڵێت
توخێل کەسێکی باش و شارەزایە و بیرۆکەی نایابمان پێدەدات لەسەر ئەوەی کە چۆن دەمانەوێت یاری بکەین. پەیوەندی ئێمە باشە و پێم وایە لەگەڵ تێپەڕبوونی کات و باشتر ناسینی یەکتر، ئەم پەیوەندییە باشە بەردەوام دەبێت. ئەو یەکێکە لە باشترین ڕاهێنەرەکانی جیهان و پاڵ بە من و هەموو یاریزانەکانی تری تیپەوە دەنێت بۆ ئەوەی باشتر بین
کەین لەبارەی جیاوازی بۆندزلیگا و پرێمەرلیگیش دەڵێت
تەنها چوار یاریم لە بۆندزلیگا کردووە، خێرایی یارییەکان لە بۆندزلیگا زۆرە و یانەکانی بە باشی یاریی دەکەن، بەڵام هێشتا زووە باس لە جیاوازی ئەم خولە و پریمەرلیگ بکەم. پێم وایە تا زیاتر یاری بکەم، ئەم جیاوازیانە بۆ من زیاتر بەرجەستە دەبن
