جێرارد لە راهێنەرایەتیكردنی یانەیەكی سعودی نزیكدەبێتەوە
یاریگا –
ستیڤن جێرارد، نزیكە لە وەرگرتنی پۆستی راهێنەرایەتیكردنی یانەی ئیتیفاقی سعودی بۆ یارییەكانی وەرزی 2023/24.
لە ماوەی چەند رۆژی رابردوودا دانوستانەكانی نێوان یانە سعودییەكە و جێرارد وەستا بەهۆی لێدوانەكانی راهێنەرە ئینگلیزیەكەوە.
پێشتر جێرارد لە لێدوانێكیدا ووتی: ”دەنگۆی زۆر لە میدیاکان بڵاوبووەتەوە و بەشێکی زۆری راست نین”.
https://www.facebook.com/100044290096476/posts/pfbid02jZYVoaxFD2jeebqJRNypagDRe9ma4HBf8tAZqkMFWWVY2KjDxJbJBsFehfRX5YaJl/?mibextid=cr9u03
بەپێی زانیاریەكانی رۆژنامەی الرياضية ئیتیفاق گەیشتووەتە رێككەوتنی كۆتایی لەگەڵ ستیڤن جێرارد راهێنەری پێشووی ئاستۆن ڤێلا بۆ وەرگرتنی پۆستی راهێنەرایەتیكردنی یانەكەیان بۆ وەرزی داهاتوو.
رۆژنامەكە ئەوەشی ئاشكرا كردووە، جیرارد لە ماوەی چەند رۆژی داهاتوودا واژۆ لەسەر گرێبەستەكەی دەكات و گرێبەستەكەی رادەگەیەندرێت.
#عاجل | نادي #الاتفاق يصل إلى اتفاق نهائي مع الإنجليزي ستيفن جيرارد لتدريب الفريق الأول لكرة القدم الموسم المقبل.. والتوقيع الرسمي خلال الأيام المقبلة
من ( @waleedalsaiary )
— الرياضية – عاجل (@ariyadhiah_br) June 30, 2023
پێشبینی دەکرێت لە چەند رۆژی داهاتوودا ستیڤن جێرارد سەرکردایەتی قۆناخی ئامادەکاری بۆ یانە نوێیەكەی ئیتیفاق بکات، هەروەها داواکارییەکانی پێشکەش بە ئیدارەی یانەکە دەکات بۆ بەهێزکردنی ریزەکانی بە گرێبەستی نوێ تا بتوانن ركابەری بردنەوەی نازناوەكان بكەن.
