یوڤێنتوس گرێبەستی تیمۆسی ویا یەکلایی دەکاتەوە

یاریگا

یانەی یوڤێنتوسی ئیتاڵیا دەیەوێت تاوەکو کۆتایی ئەم هەفتەیە گرێبەستی تیمۆسی ویا یاریزانی ئەمریکی یانەی لیلی فەرەنسا یەکلایی بکاتەوە.

خانمە پیرەکە ماوەیەکە لەگەڵ یاریزانە ئەمریکیەکە لە گفتوگۆدایە و بە گوتەی فابریزیۆ رۆمانۆ رۆژنامەنوسی ئیتاڵی هەردوولا گەیشتونەتە رێکەوتنی کۆتایی و چاوەڕێ دەکرێت لە چەند رۆژی داهاتوو ئەو یاریزانە بە شێوەیەکی فەرمی پەیوەندی بە یانە نوێیەکەیەوە بکات.

بیانکۆنێری بەو هیوایەیە ویا ناوەراستکارە ئەمریکیەکە ئەم هەفتەیە بەشداری پشکنینە پزیشکیەکانیان بکات و دواتر بە زوترین کات کۆتایی بە گرێبەستەکەی بێنێت.

تیمۆسی ویا کوڕی ئەستێرەی پێشووی هەڵبژاردەی لیبریا و سەرۆکی ئیستا ئەم وڵاتە جۆرج ویایە، بەڵام بەهۆی ئەوەی لە ئەمریکا لەدایکبووە، بە پێچەوانەی باوکی یاریی بۆ هەڵبژاردەی ئەو وڵاتە دەکات.