بارسێلۆنا قەرزاری سێڤییایە

یاریگا

یانەی بارسێلۆنای ئیسپانیا بەم زووانە بڕە پارەیەکی دیکە بەرامبەر گواستنەوەی ژولیش کوندێ پێشکەشی یانەی سێڤییا دەکات.

ڕۆژنامەی مۆندۆدیپۆرتیڤۆ بڵاویکردەوە، ئەگەر ژولیش کۆندی بەرگریکاری فەرەنسی تەمەن 24 ساڵی بلاوگرانا لە یاری داهاتووی یانەکەیبەرامبەر ئەتلەتیکۆ مەدرید 45 خولەک یان زیاتر یاری بکات، ئەوا یانەکەی دەبێت بڕی 2.5 ملیۆن یۆرۆ بداتە یانە ئەندەلوسیەکە لەچوارچێوەی ڕێککەوتنی هەردوو یانە لە هاوینی ڕابردوو.

لە گرێبەستی نێوان بارسا لەگەڵ سیڤییا مەرجی ئەوە دانراوە ئەگەر کۆندێ بەشداری لە 60%ی یارییەکانی وەرزی 2022-2023 بکات،ئەوا دەبێت یانە کەتەلۆنیەکە ئەو پارەیە پێشکەش بکات.

بەرگریکارە فەرەنسیەکەی بارسێلۆنا تا ئێستا 31 یاری بۆ یانەکەی کردووە، بە واتایەکی تر لە 58%ی یارییەکانی ئەم وەرزە درێسییانەکەی لەبەر کردووە، لە یاری داهاتوودا لەم وەرزەدا دەگاتە ٣٢ یاری و ڕێژەی ئامادەبوونیشی دەگاتە %60 بە گشتی.