یاریگا
خۆرخی مێسی، باوك و بەڕێوەبەری كارەكانی لیۆنێل مێسی ئەرجەنتینی و ئەستێرەی یانەی پاریس سان جێرمانی فەڕەنسی رەتیدەكاتەوە هیچ دانوستانێكیان هەبێت لەگەڵ یانەی هیلالی سعودی.
گرێبەستەكەی مێسی لەگەڵ پاریس سان جێرمان لە هاوینی ئەمساڵدا بەسەردەچێت و تا ئێستا رێكنەكەوتوون لەسەر نوێكردنەوەی.
خۆرخی مێسی لەرێگەی هەژماری تایبەتی خۆیەوە لە تۆڕی كۆمەڵایەتی ئینستاگرام چەند هەواڵێكی بڵاوكردەوە كە لەم دواییانەدا سەبارەت بە داهاتووی كوڕەكەی بڵاوكرانەوە، یەكێی لە دەنگۆكان ئەوەیە كە مێسی راهێنانەكانی پاریسی جێهێشتووە چونكە كێشەی لەگەڵ گالتێ هەبووە، هەروەها داوای 600 ملیۆن یۆرۆ دەكات بۆ پەیوەندیکردنی بە هیلالەوە، ئەوەی كۆتاییش پاریس ئامادە نیە مەرجەكانی مێسی قبوڵ بكات سەبارەت بە نوێكردنەوەی گرێبەستەكەی.
Jorge Messi denies three stories:
▫️ Leo leaving Tuesday session due to problems with Galtier;
▫️ PSG not open to accept Messi’s conditions to sign new deal;
▫️ Messi asking for €600m salary to Al Hilal.“Fake news — don’t trust them, we will not accept lies anymore”. pic.twitter.com/RVMNZ3yW65
— Fabrizio Romano (@FabrizioRomano) March 17, 2023
باوكی مێسی هەموو ئەوانە رەتدەكاتەوە و نووسیویەتی:
هەواڵی درۆ، تا كەی درۆ دەكەن؟ كوا بەڵگە؟؟؟ هەمووی هەواڵی ساختەیە، باوەڕ بە هیچ شتێك مەكەن، بەڵام چیتر رێگە نادەین بە درۆ شوێنكەوتووی زیاتر كۆبكەنەوە.
