یاریگا
ئەنجامی تیروپشكی یارییەكانی قۆناخی چارەكی كۆتایی خولی یانە پاڵەوانەكانی ئەوروپا.
هەریەك لە یانەكانی ( بێنفیكا ، چێڵسی ، بایرن میونشن ، ئەی سی میلان ، مانچێستەر سیتی ، ئینتەر میلان ، ریال مەدرید ، ناپۆلی ) توانیان قۆناخی شانزە ببڕن و خۆیان گەیاندە قۆناخی هەشتی پاڵەوانیەتیەكە.
كەمێك پێش ئێستا تیروپشكی یارییەكانی قۆناخی چارەكی كۆتایی خولی یانە پاڵەوانەكانی لە بارەگای یەكێتی نێودەوڵەتی تۆپی پێ لە نیۆنی سویسرا راكێشرا.
ئەنجامی تیروپشكی یارییەكانی قۆناخی 8 ـی چامپیۆنزلیگ:
- ریال مەدرید vs چێڵسی
- ئینتەر میلان vs بێنفیكا
- مانچێستەر سیتی vs بایرن میونشن
- ئەی سی میلان vs ناپۆلی
وادەی بەڕێوەچوونی یارییەكانی قۆناخی چارەكی كۆتایی:
وا بڕیارە یاری چوونی قۆناخی چارەكی كۆتایی لە رۆژەكانی 11 و 12ی مانگی نیسان بكرێت و یاری گەڕانەوەش لە رۆژەكانی 18 و 19ی هەمان مانگدا بكرێت.
وادەی بەڕێوەچوونی یارییەكانی قۆناخی پێش كۆتایی:
هەروەها یارییەكانی چوونی قۆناخی پێش كۆتایی لە بەرواری 9 و 10ی مانگی پێنج و یارییەكانی گەڕانەوەش لە بەرواری 16 و 17ی هەمان مانگدا دەبێت.
یاری كۆتایی:
یاری كۆتایی خولی یانە پاڵەوانەكانی ئەوروپای وەرزی 2022/2023 لە بەرواری 10ی مانگی 6 لە یاریگای ئەتاتورك لە توركیا دەكرێت.
