جامی سوپەری ئیتاڵیا گۆڕانکاری بەسەردا دێت

یاریگا
فێدراسیۆنی تۆپی پێ ئیتاڵیا بڵاویکردەوە، لە ساڵی داهاتوو بە دواوە جامی سوپەری وڵاتەکەیان بە بەشداری چوار یانە بەڕێوەدەچێت.

هەژمارەی فەرمی فێدراسیۆنی تۆپی پێ ئیتاڵیا لە تۆڕی کۆمەڵایەتی تویتەر بڵاویکردەوە، لە ساڵی 2024 بە دواوە شێوازی جامی سوپەری وڵاتەکەیان بە بەشداری چوار یانەی پاڵەوانی سێریائەی، دووەمی خولەکە و هەروەها پاڵەوانی جام و دووەمی جامەکە هاوشێوەی جامی سوپەری ئیسپانیا بەڕێوەدەچێت.

سەرچاوەکە بڵاویشی کردەوە هاوشێوەی ساڵانی رابردوو، جامی سوپەری ئیتاڵیا بە میوانداری سعوودیە دەکرێت.