یاریگا
ئانسۆ فاتی، هێرشبەری لاوی یانەی بارسێلۆنای ئیسپانیا لە راهێنانەکانی یانەکەی تووشی پێکان بووە.
ماڵپەری فەرمی یانەی بارسێلۆنای ئیسپانیا بڵاویکردەوە، لە راهێنانەکانی دوێنێ یانەکەیان هێرشبەری ژمارە 10 لە ئەژنۆی تووشی پێکان بووە، بۆیە ئەو یاریزانە لە یاریی بەرامبەر ئالمیریا لە گەڕی 23 لالیگا کە بڕیارە سبەی بکرێت بێ بەش دەبێت.
سەرچاوەکە ئاماژەی بە وادەی تەواوەتی دوورکەوتنەوەی فاتی نەکردووە، بەڵام سەرچاوەکانی نزیک ئەو یانەیە باس لەوە دەکەن ئەو یاریزانە بۆ یاریی کلاسیکۆی ئەم هەفتەیە هیچ کێشەیەکی نابێت و دەگەڕێتەوە.
