ئیسپانیابازاڕی گواستنه‌وه‌

ریاڵ مەدرید بەرگریکارێکی گەڕاندەوە یانەکەی

یاریگا-یانەی ریاڵ مەدرید فران گارسیای بەرگریکاری پێشووی یانەکە دەگەڕێنێتەوە سانتیاگۆ بێرنابیۆ.

فران دەرچووی ئەکادیمیای لا فابریسیای مەدریدە، لە سەرەتای وەرزی ٢٠٢٠-٢٠٢١ بە خواستن درایە رایۆ ڤاییکانۆ، دواتر رایۆ بەیەکجاری ئەو یاریزانەی گواستەوە.

سەرۆکی ڤاییکانۆ  پرێسا، ئەمڕۆ لە پڕۆگرامێکی رادیۆی کۆپ دا وتی ” فران گارسیا لە هاوینی داهاتوو دەگەڕێتەوە مەدرید، ئێمە لەگەڵ ئەو یانەیە گەیشتووینەتە رێککەوتنی کۆتایی”.

ئەم هەنگاوەی مێرەنگی، لە کاتێکدایە ئەو یانەیە لەم وەرزەدا بەردەوام کێشەی ئاست و پێکانی بەرگریکارەکانی باڵەکانی هەیە.

پرێسا ئەوەشی درکاند، یانەی لیڤەرکوزنی ئەڵمانی ئامادەبوون ١٠ ملیۆن یۆرۆ بدەن بۆ فران گارسیا، هەربۆیە پێدەچێت گرێبەستەکەی مەدرید گەورەتربێت.

بابەتی زیاتر

Back to top button