یاریگا–
یانەی بارسێلۆنای ئیسپانیا ئامادەیە دەستبەرداری رافینها، هێرشبەری بەڕازیلی یانەکەی بێت، بە مەرجێک ئەو یانەیەی داوای دەکات، دەبێت پارەی هەڵوەشاندنەوەی گرێبەستەکەی بدات.
رۆژنامەی وەرزشی مۆندۆ دێپۆرتیڤۆی کەتەلۆنی بڵاویکردەوە، کارگێری بلاوگرانا ئامادەیە ئەم زستانە دەستبەرداری یاریزانی بەڕازیلی یانەکەی بێت، بە مەرجێک 100 ملیۆن یۆرۆ، وەکو مافی دەستبەرداربوونی پێشکەشیان بکەن.
لەلایەکی دیکەوە بەشێک لە سەرچاوەکانی بەریتانیا بڵاویان کردووەتەوە، یانەی ئارسێناڵ ئامادەیە بۆ گواستنەوەی رافینها، نزیکەی 60 ملیۆن یۆرۆ پێشکەشی بارسێلۆنا بکات.
