ڕۆناڵدینهۆ:مێسی بۆ من وەك برایەكی بچووكە

یاریگا-

ڕۆناڵدینهۆ، ئەفسانەی تۆپی پێی بەڕازیلی پێی وایە لیۆنێل مێسی ئەرجەنتینی و ئەستێرەی یانەی پاریس سان جێرمانی فەڕەنسی تا تەمەنی 50 سالی دەتوانێت یاری تۆپی پێ بكات.

ڕۆناڵدینهۆ و مێسی پێكەوە لە بارسێلۆنا یارییان دەكرد پێش پەیوەندیكردنی ڕۆناڵدینهۆ لە هاوینی 2008 بە ڕیزەكانی یانەی ئەی سی میلانی ئیتاڵیەوە.

لە چاوپێكەوتنێكی ڕۆژنامەوانیدا لەگەڵ ” tele foot ” ڕۆناڵدینهۆ ووتی: مێسی بۆ من برایەکی بچووکە و هاوڕێیەکی گەورەیە کە دەتوانێت بۆ ماوەیەکی زۆر یاری تۆپی پێ بکات.

جادووگەرە بەڕازیلیەكە بەردەوام بوو ووتی: ئەگەر مێسی بیەوێت دەتوانێت یاری تۆپی پێ بكات تا دەگاتە تەمەنی 50 ساڵی.

مێسی لەگەڵ هەڵبژاردەی ئەرجەنتین توانیان ببنە پاڵەوانی جیهان دوای بردنەوەیان لە هەڵبژاردەی فەڕەنسا بە لێدانی یەكلاكەرەوە.