یاریگا-
گاریس بەیڵ، ئەستێرەی هەڵبژاردەی وێڵز و پێشووی ڕیاڵ مەدرید، بە شێوەیەكی فەرمی وازهێنانی خۆی لە یاری تۆپی پێ لەسەر ئاستی یانەکان و هەڵبژاردەی نیشتمانی ڕاگەیاند.
دوای یاریەكانی جامی جیهانی 2022ی قەتەڕ گاریس بەیڵ وازهێنانی خۆی لە یاری تۆپی پێی نێودەوڵەتی ڕاگەیاند، دوای یاریکردنی لەگەڵ هەڵبژاردەکەی، بەو پێیەی وێڵز لە قۆناغی کۆمەڵەکانی مۆندیال ماڵئاواییان كرد.
لە بەیاننامەیەكی فەرمیدا لە هەژمارە تایبەتیەكانی خۆی لە تۆڕە كۆمەڵایەتیەكان بەیڵ نووسیویەتی:
” دوای وردبینی و ڕەچاوکردنی ورد، دەستبەجێ وازهێنانی خۆم لە یانەکان و تۆپی پێی نێودەوڵەتی ڕادەگەیەنم.
هەست بە خۆشبەختییەکی زۆر دەکەم کە خەونەكەمم بەدەستێهنا و توانیم ئەو وەرزشە بکەم کە زۆرم خۆشدەوێت، بەڕاستی تۆ هەندێک لە باشترین ساتەکانی ژیانمت پێبەخشیم، بەرزبوونەوە و نزمییەکانی لە ماوەی 17 وەرزدا، دووبارەبوونەوەی مەحاڵ دەبێت.
لە یەکەم دەست پێكردنم لە ساوسهامپتۆن تا كۆتایی لەگەڵ لۆس ئەنجلس و هەموو شتێک لە نێوانیاندا، زۆر شانازی پێوە دەکەم و سوپاسگوزارم، یاریکردن بۆ وڵاتەکەم و سەرکردایەتیکردنی هەڵبژاردەكەم لە 111 جاردا بەڕاستی خەونێک بوو هاتەدی.
سوپاس بۆ هەموو ئەو کەسانەی کە ڕۆڵی خۆیان لەم گەشتەمدا بینیوە، كە هەست دەکەم وەک مەحاڵ بوو، قەرزاری زۆر کەسم کە یارمەتیدەر بوون لە گۆڕینی ژیانم و داڕشتنی پیشەکەم بە شێوەیەک کە هەرگیز خەونم پێیەوە نەدەبینی کاتێک لە تەمەنی نۆ ساڵیدا دەستم بە پیشەکەم کرد.
بۆ یانەکانی پێشووم، ساوسهامپتۆن، تۆتنهام، ڕیاڵ مەدرید و دواجار لۆس ئەنجلس، هەموو بەڕێوەبەر و ڕاهێنەرەکانی پێشوو، ستافی ژووری خۆگۆڕین، هاوڕێکانی تیمەكەم، هەموو هاندەرە دڵسۆزەکانم، بەڕێوەبەری كارەكانم، هاوڕێ و خێزانە سەرسوڕهێنەرەکانم، دایک و باوکم و خوشکەکەم، بەبێ ئێوە لەو ڕۆژە سەرەتاییانەدا، بەبێ بناغەیەکی وا بەهێز كە پێتان بەخشیم، ئێستا ئەم لێدوانانەم نەدەنووسی، بۆیە سوپاس بۆ ئێوە کە منتان خستۆتە سەر ئەم ڕێگایە و بۆ پاڵپشتی بەردەوامتان.
خێزان و منداڵەکانم، خۆشەویستی و پشتیوانی ئێوە منیان گەیاندە ئێرە، بە تەواوی لە تەنیشتمەوە بوون بۆ هەموو بەرزی و نزمیەکان، ئێوە ئیلهامێك بوون بۆم بۆ ئەوەی باشتر بم، چاوەڕێی قۆناغی داهاتووی ژیانم دەکەم”.
