فرانکفۆرت مانچێستەر یۆنایتد و بایرن میونشن بێ هیوا دەکات
یاریگا-
یانەی ئینتراخت فرانکفۆرتی ئەڵمانی لە ماوەی گواستنەوەكانی زستانەی ئێستادا چارەنووسی هێرشبەری یانەكەی ڕاندال کۆلۆ موانی یەکلاکردەوە، ئەمەش لەبەر ئارەزووی هەندێک یانە گەورەکان بۆ گواستنەوەی ئەو هێرشبەرە.
هێرشبەرە فەڕەنسیەكە لە یاریەكانی جامی جیهانی 2022ی قەتەڕ سەرنجی چەند یانەیەكی گەورەی بۆ لای خۆی ڕاكێشا.
لای خۆیەوە مارکوس كرۆش، بەڕێوەبەری وەرزشی یانەی فرانکفۆرت بە گۆڤاری كیكەری ئەڵمانی ڕاگەیاندووە كە کۆلۆ موانی نافرۆشین.
پێشتر ڕۆژنامەی لیكیپ ئاشكرایكرد كە مانچێستەر یۆنایتد ئامادەیە بڕی 60 ملیۆن یۆرۆ بۆ گواستنەوەی كۆلۆ موانی بداتە فرانكفۆرت و هەروەها بایرن میونشنیش خواستی لەسەریەتی كە بیگوازێتەوە.
پاڵەوانی خولی ئەوروپی نایەوێت دەستبەرداری ئەو یاریزانە تەمەن 24 ساڵە بێت لە نیوەی یەکەمی وەرزی ئێستادا كە لە خولی ئەڵمانیا 5 گۆڵی تۆمارکرد و 11 گۆڵی دیکەی درووستكردووە.
