ئێران بە تۆمەتی هاندان بۆ خۆپیشاندان سزای لە سێدارەدان بۆ ئەمیر رەزا ئەزدانی دەردەکات.
تا ئێستا دوو کەس لە خۆپیشاندەرەکانی ئێران لە سێدارەدراون و ئەمیر یەکێکە لەوانەی سزاکە دەیگرێتەوە و لە چاوەڕوانی جێبەجێکردنیدایە.
یەکێتی یاریزانە پیشەگەرەکانی جیهان (فیفپرۆ) بەیاننامەیەکی بڵاوکردەوە و تێیدا هاتووە ” فیفپرۆ تووشی شۆک و خەمباری هاتووە لەو هەواڵانەی باس لەوە دەکەن ئەمیر نەسڕ ئەزدان لە سێدارە دەدرێت بەهۆی پشتیوانیکردن لە مافە سەرەتاییەکانی ئافرەتان لە وڵاتەکەی. ئێمە پاڵپشتی ئەمیرین و داوای هەڵوەشاندنەوەی سزاکەی دەکەین بە زووترین کات”.
ناوبراو تەمەنی تەنها ٢٦ ساڵە و یاری بۆ یانەی تراکتۆری وڵاتەکەی کردووە کە لە خولی پلە یەکی ئێران دایە.