یاریگا-
ڕاپۆرتە ڕۆژنامەوانیەكان ئاشكرایانكرد گرێبەستە نوێیەكەی یانەی لیڤەرپولی ئینگلیزی ئارسەر میلۆی بەڕازیلی لە كۆتایی ئەم هەفتەیەدا نەشتەرگەری ئەنجام دەدات.
وا بڕیارە ئەمڕۆ یەكشەممە كاتژمێر: 18:30 بە كاتی كوردستان ئەرسیناڵ لە یاریگای ئیماراتی تایبەت بە خۆی میوانداری لیڤەرپول بكات ، لە میانەی یاریەكانی هەفتەی دەیەمی پریمەرلیگ.
بەپێی تۆڕی ” ذە ئەتلەتیك ” ئارسەر میلۆ یاریزانی هێڵی ناوەندی ڕێدز لە كۆتایی ئەم هەفتەیەدا نەشتەرگەری ئەنجام دەدات و بەوەش ماوەیەكی درێژ لە یاریگاكان دووردەكەوێتەوە.
لیڤەرپول بۆ چارەسەركردنی هێڵی ناوەندی یانەكەی گرێبەستی لەگەڵ ئارسەر میلۆ بە شێوەی خواستن واژۆ كرد و یاریزانەكە تەنها 19 خولەك لەگەڵ ڕێدز بەشداری كردووە.
چاوەڕوان دەكرێت ئارسەر سێ بۆ چوار مانگ لە یاریگاكان دووربكەوێتەوە.
