فەرمی: عەبدولسەمەد زەلزولی پەیوەندی بە ئۆساسۆناوە كرد

یاریگا-

یانەی بارسێلۆنای ئیسپانی ڕۆشتنی عەبدولسەمەد زەلزولی مەغریبی و یاریزانی یانەكەی بۆ ڕیزەكانی ئۆساسۆنا ڕاگەیاند.

هەژماری فەڕمی بارسێلۆنا لە تۆڕی كۆمەڵایەتی تویتەر نوێكردنەوەی گرێبەستی زەلزولی تا ساڵی 2026 ڕاگەیاند و بڕی هەڵوەشاندنەوەی گرێبەستەكەی 200 ملیۆن یۆرۆیە.

هەروەها ڕایگەیاند گەشتوونەتە ڕێككەوتن لەگەڵ ئۆساسۆنا بەمەبەستی گواستنەوەی یاریزانەكە بەشێوەی خواستن و بۆ ماوەی وەرزێك.

زەلزولی لەگەل تیمی یەكەمی بارسێلۆنا بەشداری لە 12 یاریدا كردووە.