یاریگا–
ئەمڕۆ سەرچاوە رۆژنامەوانیەکانی ئیسپانیا بڵاویان کردەوە گوایە گاریس بەیل دەیەوێت پەیوەندی بە ریزەکانی یانەی خیتافی ئیسپانیاوە بکات و، بەرێوەبەری کارەکانی ئەو یاریزانەش بە پێکەنینەوە وەڵام دەداتەوە.
جۆشوا بارێنت بەرێوەبەری کارەکانی یاریزانە وێلزیەکەی پێشووی یانەی ریال مەدریدی ئیسپانیا لەبارەی قسەکانی یانە مەدریدیەکە بە پێکەنینەوە دەڵێت “ ئەم دەنگۆیانە راست نین و من تاوەکو ئێستا ژمارەی تەلەفۆنی سەرۆکی ئەو یانەیەشم نیە “.
گاریس بەیل دوای کۆتایی هاتنی گرێبەستەکەی لەگەڵ ریال مەدرید، جیابونەوەی لەو یانەیە راگەیاند و تاوەکو ئێستاش یانەی داهاتووی خۆی یەکلایی نەکردووەتەوە.
