یاریگا-
ڕاپۆرتە ڕۆژنامەوانیەكان دواین پێشهاتەكانی داهاتووی ئۆلێنیا چوامێنی فەڕەنسی و ئەستێرەی یانەی مۆناكۆی فەڕەنسی ئاشكرا كرد.
گرێبەستەكەی چوامینی لەگەڵ مۆناكۆ لە هاوینی ساڵی 2024 بەسەردەچێت و یاریزانەكە دەیەوێت لەم هاوینەدا ڕیزەكانی یانەكەی جێبهێڵێت.
كەمێك پێش ئێستا داڤید ئۆرنیستن لە تۆڕی هەواڵی ذە ئەتلەتیك ڕایگەیاند: ڕیاڵ مەدرید و مۆناكۆ گەشتوونەتە ڕێككەوتن بە مەبەستی گواستنەوەی چوامینی.
هەروەها ئەوەشی ئاشكرا كردووە كە بڕی گرێبەستەكە 100 ملیۆن یۆرۆیە و بەمزووانە بە فەڕمی گرێبەستەكەی ڕادەگەیەندرێت.
یاریزانەكە بڕیاریداوە لە ڕیاڵ مەدرید یاری بكات سەرەڕای گرنگیدان پێی لە لایەن یانەكانی پاریس سان جێرمان ، مانچێستەر یۆنایتد و لیڤەرپول.
