یاریگا-
ڕاپۆرتە ڕۆژنامەوانیەكانی ئیسپانیا ئاشكرایانكرد لۆكا مۆدریچی كرواتی و ئەستێرەی هێڵی ناوەندی یانەی ڕیاڵ مەدریدی ئیسپانی پێش یاری كۆتایی خولی یانە پاڵەوانەكانی ئەوروپا گرێبەستەكەی نوێ كردووەتەوە.
گرێبەستەكەی مۆدریچ لەگەڵ ڕیاڵ مەدرید لە هاوینی ئەمساڵدا بەسەردەچێت.
ڕۆژنامەی ماركای ئیسپانی ئاشكرایكرد یاریزانە كرواتیە 36 ساڵانەكە گرێبەستەكەی لەگەڵ مێرینگی نوێ كردووەتەوە، تەنها ڕاگەیاندنی فەڕمی ماوە و لە چەند ڕۆژی داهاتوودا ئاشكرا دەكرێت.
ڕۆژنامەكە ئەوەشی ئاشكرا كردووە كە مۆدریچ بۆ وەرزی داهاتووش لەگەڵ یانە شاهانەكە بەردەوام دەبێت.
