یاریگا–
گاریس بەیل، هێرشبەری وێلزی یانەی ریال مەدریدی ئیسپانی گرێبەستەکەی لەگەڵ یانەکەی کۆتایی دێت و، ناچارە دوای ساڵانێک ریزەکانی ئەو یانەیە جێبێڵێت.
بەرنامەی El Partidazo de COPEـێ ئیسپانی بڵاویکردەوە، بەرێوەبەری کارەکانی یاریزانە وێلزیەکەی شاهانەکان، ئەو یاریزانەی پێشکەش بە یانەی ئاتلێتیکۆ مەدرید کردووە، بەڵام دیێگۆ سیمۆنێ راهێنەری ئەو یانەیە رەتیکردەوە رێگە بەو یاریزانە بدات پەیوەندی بە یانەکەیانەوە بکات.
بەیل خاوەنی یەکێک لە بەرزترین مووچەکانە لە ریزەکانی یانەی ریال مەدرید و، سەرەتای مانگی داهاتوو گرێبەستەکەی لەگەڵ مێرنگی کۆتایی دێت و یانەکەش گرێبەستەکەی نوێ ناکاتەوە.
