ئینگلتەرا
سێ یایزانی یونایتد گەڕانەوە مەشقەکان
یاریگا-یانەی مانچێستەر یونایتد بەر لە یارییەکەی ئارسناڵ تواناکانی سێ ئەستێرەی بەدەست هێنایەوە.
ئەمڕۆ هەریەک لە کریستیانۆ رۆناڵدۆ، سکۆت مەکتۆمینای و رافایل ڤاران بەشێوەیەکی ئاسایی بەشداری مەشقەکانیان کرد. رۆناڵدۆ کێشەی پێکانی نەبوو بەڵکو بەهۆی گیان لەدەستدانی کۆرپە تازە لە دایک بووەکەی مۆڵەتی وەرگرتبوو، دوانەکەی دیکەش بەهۆی پێکان دوور کەوتبوونەوە.
چانسی گەیشتنی یونایتد بە خولی پاڵەوانەکان زۆر لاواز بووە و جگە لە بردنەوە لە ئارسناڵ هەر ئەنجامێکی دیکە بە تەواوی بێ هیوایان دەکات. بارودۆخەکەش هاوشێوەیە بۆ گەنەرز هەربۆیە چاوەڕوانی یارییەکی ئاگرین دەکرێت.
