ئەمڕۆ لە گەڕی 28ـی خولی نایابی عێڕاق، یانەی ئەمانەی بەغداد لە نێو یاریگای خۆی میوانداری یانەی قاسمی کرد، ئەمانەی بەغداد کە گۆڵپارێزی کورد ( سەرهەنگ موحسین) سەرکردایەتی دەکات، توانیان بە ئەنجامی 3 _ 0 گۆڵ لە یانەی قاسمی میوان ببەنەوە، جگە لەوەی گۆڵپارێزە کوردەکە کلین شیتی تۆمار کرد، ( فەرحان شکور)ـی یاریزانی کوردی یانەکە توانی هەر سێ گۆڵی یاریەکە تۆمار بکات و یەکەم هاتریکی ئەم وەرزەی خولی نایابی عێڕاقی بە ناوی خۆیەوە بنوسێتەوە. فەرحان پێشوتر یاری بۆ هەریەك لە یانەکانی ( سلێمانی، هەولێر، زەوڕا، کارەبا، نەفتی ناوەڕاست، داڵکوردی سویدی، فەیسەڵی ئوردنی) کردووە.
یانەی ئەمانە بە کۆکردنەوەی 30 خاڵ لە پلەی پازدەیەمی خولی نایابی عێڕاق دێت.
