یاریگا–
ریال مەدرید شەوی داهاتوو لە گەڕی 32 لالیگا رووبەڕووی سێڤییا دەبێتەوە، ئەگەر بێتو لەم یارییە مۆدریچ و ملیتائۆ کارتی زەرد وەربگرن، بۆ یاری دواتر بێ بەش دەبن.
ئەو دوو یاریزانەی شاهانەکان هەر یەکەیان ئەگەر بێتو کارتێکی زەرد لە یاری بەرامبەر یانە ئەندەلوسیەکە وەربگرن، ئەو کات بەهۆی کەلەکەبونی کارتە زەردەکانیان، لە یاری چوار شەممەی ئەم هەفتەیە بەرامبەر ئۆساسۆنا بێ بەش دەکرێن.
ریال مەدرید بە کۆکردنەوەی 72 خاڵ و بە جیاوازی 13 خاڵ لەگەڵ سێڤییای سێیەمی ریزبەندی پێشەنگایەتی لالیگای گرتووە.
