ئه‌وروپاچامپیۆنزلیگ
پاڵێوراوانی خەڵاتی باشترین یاریزانی هەفتەی چامپیۆنسلیگ
یاریگا-
دوای تەواو بوونی یاریەكانی ئەم هەفتەیەی چامپیۆنسلیگ چوار یاریزان وەك پاڵێوراوی باشترین یاریزانی هەفتەی خولەكە دیاریكراون.
هەژماری فەڕمی چامپیۆنسلیگ لە تۆڕی كۆمەڵایەتی تویتەر هەریەك لە یاریزانان ( لیڤاندۆڤسكی ، بێنزیما ، فێرناندینهۆ ، سكرینیار )ی وەك پاڵێوراوی باشترین یاریزانی هەفتەی خولەكە دەستنیشانكرد.
– لیڤاندۆڤسكی، توانی سێ گۆڵ و ئەسیستێك بەرامبەر سالزبۆرگ تۆمار بكات.
– بێنزیما ، توانی هاتریك بەرامبەر پاریس تۆمار بكات.
– فێرناندینهۆ توانی ئاستێكی بەرز بەرامبەر سپۆرتینگ لشبۆنە پێشكەش بكات.
– سكرینیار ، توانی ئاستێكی نایاب بەرامبەر لیڤەرپول پێشكەش بكات.
