فەرمی: لوکاس دینێ گوێزرایەوە بۆ ئەستۆن ڤیلا

لوکاس دینێ بەرگریکاری ئێڤەرتۆن بەشێوەیەکی کتوپڕ گوێزرایەوە بۆ ئەستۆن ڤیلا.

دینێ بە یەکیک لە یاریزانە دیارەکانی ئێڤەرتۆن دادەنرا و لە پاڵ کۆتینهۆ دەبێتە دووهەم گرێبەستی دیاری ڤیلا لەوکاتەوەی ستیڤن جیرارد بووەتە راهێنەریان .

لوکاس سەبارەت بە هۆکاری هەڵبژاردنی ئەستۆن ڤیلا وتی “گفتوگۆیەکی زۆر باشمان کرد لەگەڵ جیرارد و باسی پڕۆژە و پلانەکانی بۆ کردم ، ئەوەش هۆکاری سەرەکی هەڵبژاردنی ئێرە بوو”.

دینێ ٤٣ یاری بۆ هەڵبژاردەی فەڕەنسا ئەنجامداوە و پێشتر یاری بۆ یانەکانی پاریس سان جێرمان و بارسێلۆنا کردووە.