ئینگلتەرابازاڕی گواستنه‌وه‌گرنگترین
فەرمی: دەوڵەمەندترین یانەی جیهان یەکەم گرێبەستی زستانەی ئەنجامدا
یانەی نیوکاسڵ یونایتد گەیشتووەتە رێککەوتن لەگەڵ ئەتڵەتیکۆ مەدرید بۆ گواستنەوەی کیران تریپیەر.
بەگوێرەی سکای سپۆرت، مەگپایز ١٢ ملیۆن پاوەند دەداتە ئەتلەتی بەرامبەر دەستبەرداربوون لە خزمەتەکانی بەرگریکارە ئینگلیزییەکە.
سکای دەڵێت، یانە ئیسپانییەکە هەوڵیدایە کیران لە یانەکە بهێڵێتەوە بەڵام ئەو سووربووە لەسەر ئەوەی بگەڕێتەوە وڵاتەکەی. وابڕیاریشە بگاتە ئینگلتەرا بۆ ئەنجامدانی پشکنینی پزیشکی.
بەمەش یاریزانەکەی پێشووی تۆتنهام دەبێتە یەکەم یاریزانی نیوکاسڵ لەوکاتەوەی لەلایەن خێزانی شاهانەی سعودییەوە کڕدراونەتەوە و بوونە دەوڵەمەندترین یانەی جیهان.
