ئەستێرەیەکی وێستهام بۆ ماوەیەکی درێژ دووردەکەوێتەوە

ئەنجیلۆ ئۆگبۆنا بەرگریکاری یانەی وێستهام یونایتد ماوەیەکی درێژدادەبڕێت پاش پێککرانی لە یاری ئەم هەفتەیەدا بەرامبەر لیڤەرپوول.

وێستهام ٣-٢ شکستی بە لیڤەرپوول هێنا و چوونە پلەی چوارەم بەڵام ئۆگبۆنای دڵی بەرگرییان لە خولەکی ٢٢ یاریگای جێهێشت، پشکنینەکانی ئەمڕۆش دەریانخست ئازار بە بەستەری ئەژنۆی گەیشتووە.

وێستهام لە بەیاننامەکەدا ئاماژەی بەوە کردووە لەم هەفتەیەدا ناوبراو چاوی بە پزیشکێکی دیکەش دەکەوێت و دواتر ماوەی دوورکەوتنەوەی رادەگەیەندرێت. بەڵام بەگوێرەی سکای سپۆرت رەنگە ناوبراو تا کۆتایی وەرز نەگەڕێتەوە چونکە ڤیرجل ڤان دایک هەمان پێکانی هەبوو کاتێک مانگی ١٠ی پارساڵ پێککرا و تا سەرەتای وەرزی ئەمساڵ نەگەڕایەوە.