یاریگا-
پاتریس ئێڤرا ، یاریزانی پێشووی هەڵبژاردەی فەڕەنسا و یانەی مانچێستەر یونایتدی ئینگلیزی هۆكاری ڕۆشتنی كریستیانۆ ڕۆناڵدۆ لە ڕیزەكانی یوڤێنتوس ئاشكرا دەكات.
لە سەرەتایی دەستپێكردنەوەی وەرزدا بە داوایەكی لە ناكاو كریستیانۆ ڕۆناڵدۆ داوای جێهێشتنی ڕیزەكانی یوڤێنتوسی كرد و گەڕایەوە ڕیزی شەیتانە سورەكان.
ئێڤرا كە هاوڕێیەتیەكی پتەوی لەگەڵ دۆن هەیە لە لێدوانێكی ڕۆژنامەوانیدا بۆ ” La Repubblica” ووتی: كریستیانۆ داوای ڕۆشتنی كرد چونكە پێویستی بە خۆشەویستی و ڕێز لێگرتن هەبوو ، بەڵام لەوێ هەمووان هۆكاری ئەنجامە خراپەكانی یوڤێنتوسیان دەگەڕاندەوە بۆ ئەو.
هەروەها ووتیشی: هەمووان دەزانن كە بەدەستهێنانی خولی ئیتالی چەند سەختە ، بەڵام ئەندریا ئانێللی سەڕۆكی یوڤێنتوس ئامانجی سەرەكی هەموو ساڵێكیەتی نەك خولی یانە پاڵەوانەكانی ئەوروپا.
ئەستێرەكەی پێشووی هەڵبژاردەی فەڕەنسا سەبارەت بە لێدوانەكانی ماسیمیلیانۆ ئەلیگری كە لە سەرەتایی وەرزدا ووتی ” هیچ نیازێكی نیە كە هەموو یاریەك بەشداری بە كریستیانۆ ڕۆناڵدۆ بكات بە شێوەیەكی سەرەكی ” ئێڤرا ووتی: ووتەكانی ئەلێگری ڕۆڵێكی سەرەكی هەبوو لە ڕۆشتنی كریستیانۆ كاتێك ووتی هەموو یاریەك بەشداری ناكات نەدەبوو ئەوە بە ئاشكرا بە میدیاكان بڵێت دەبوایە لە نێوان خۆیاندا بمایەتەوە ، چونكە ڕۆناڵدۆ كاریگەری لەسەر ئەو جۆرە شتانە هەیە.
