یاریگا–
کلیان ئێمباپێ، هێرشبەری فەرەنسی یانەی پاریس سانجێرمانی فەرەنسا، ئامانجی یەکەمی خاوەنە نوێیەکەی یانەی نیوکاسل یونایتدی ئینگڵتەرایە.
تۆڕی هەواڵی ESPN بڵاویکردەوە، دوای کڕینەوەی یانە ئینگلیزیەکە لەلایەن سندوقی وەبەرهێنانی سعوودیا، بەرپرسانی ئەو یانەیە گواستنەوەی هێرشبەرەکەی شازادەکەیان لە پلانەکانیاندایە و، چاوەڕێ دەکرێت دوای کۆتایی هاتنی ئەم وەرزە، هەوڵەکانیان بۆ گواستنەوەی ئەو یاریزانە دەست پێ بکەن.
ئەم دەنگۆیانە لە کاتێکدایە ئێمباپێ هاوینی رابردوو هەوڵێکی زۆریدا بۆ ئەوەی پەیوەندی بە ریال مەدریدەوە بکات، بەڵام یانەکەی رێگری لێکرد.
