یاریگا-
ڕاپۆرتە ڕۆژنامەوانیەكانی ئیسپانیا وادەی ئەنجامدانی یەكەم یاری سێرجیۆ ئەگوێرۆی ئەرجەنتینی و هێرشبەری یانەی بارسێلۆنای ئیسپانیان بە درێسی یانە نوێیەكەیەوە ئاشكراكرد.
بە گرێبەستێكی ئازاد و لە ماوەی گواستنەوەكانی هاوینەدا ئەگوێرۆ لە ڕیزەكانی مانچێستەر سیتیەوە پەیوەندی بە بلاوگراناوە كرد.
بەپێی زانیاریەكانی ڕۆژنامەی سپۆرتی كەتەلۆنی ئەگوێرۆ دەیەوێت بە زووترین كات بگەڕێتەوە یاریگاكان ، ڕاهێنانی زیاتر دەكات لە پێناو زووتر گەڕانەوەی بۆ یاریگاكان و ئەنجامدانی یەكەم یاری بە درێسی یانە كەتەلۆنییەكەوە.
هەمان سەرچاوە ئاشكرایكردووە ئەگەر هیچ كێشەیەك بۆ هێرشبەرە ئەرجەنتینیەكە درووست نەبێت ئەوا لە یاریەكەیان بەرامبەر ڤالینسیا كە لە بەرواری 17ی ئەم مانگەدا ئەنجام دەدرێت ئەگوێرۆ دەتوانێت بەشداری بكات.
