کاسێمیرۆ بەهۆکارێکی سەیر بەشداری یارییەکانی هەڵبژاردەکەی ناکات

یاریگا–
کاسێمیرۆ، ناوەڕاستکاری هەڵبژاردەی بەڕازیل و یانەی ریال مەدریدی ئیسپانیا بەهۆی ئازاری ددان گەشتی وڵاتەکەی نەکردووە و لە مەدریدی پایتەختی ئیسپانیا ماوەتەوە.

ماڵپەری گۆڵی ئیسپانی بڵاویکردەوە، ناوەراستکارەکەی سامبا بەهۆی ئازاری ددانی عەقلی، نەیتوانی گەشتی وڵاتەکەی بکات بە مەبەستی پەیوەندی کردن بە هەڵبژاردەی وڵاتەکەی و ئامادەکاری بۆ یارییەکانی داهاتوو.

هەڵبژاردەی بەڕازیل لە بەردەوامی پاڵاوتنەکانی مۆندیالی 2022 بریارە رووبەڕووی هەڵبژاردەکانی ڤەنزوێلا و کۆلۆمبیا ببێتەوە و لەوانەیە کاسێمیرۆ بەم هۆیە بەشداری ئەو یارییانە نەکات.