یاریگا–
ئانسۆ فاتی، هێرشبەری ئیسپانی یانەی بارسێلۆنای ئیسپانیا ئامادەیە گرێبەستەکەی لەگەڵ یانەکەی نوێ بکاتەوە، هەر ئەمەش وایکردووە کارگێری یانەکەی پەلە لە داهاتووی ئەو یاریزانە لاوە نەکەن.
رۆژنامەی وەرزشی مۆندۆ دێپۆرتیڤۆی نزیک لە یانە کەتەلۆنیەکە بڵاویکردەوە، یاریزانە لاوەکەی بلاوگرانا یانەکەی دڵنیا کردووەتەوە بیر لە جێهێشتنی یانەکەیان ناکاتەوە و ئامادەیە گرێبەستەکەی بۆ ماوەیەکی درێژ نوێ بکاتەوە، بۆیە یانەکەشی نایەوێت فشار لەسەر ئەو یاریزانە بکات و دەیانەوێت دوای کۆتایی هاتنی ئەم وەرزە، ئینجا دەست بە پرۆژەکە بکەن.
فاتی کە ژمارەی 10ـی یانەکەی پێشکەش کراوە، هاوینی ساڵی 2022 گرێبەستەکەی لەگەڵ یانەکەی کۆتایی دێت و دەنگۆیەکیش هەیە کە گرێبەستەکەی بۆ ماوەی پێنج وەرزی دیکە نوێ دەکرێتەوە.
