یاریگا–
لوکا مۆدریچ، ناوەڕاستکاری هەڵبژاردەی کرواتیا و یانەی ریال مەدریدی ئیسپانیا بەشداری یاری داهاتووی هەڵبژاردەکەی لە پاڵاوتنەکانی مۆندیالی 2022 ناکات و دەگەرێتەوە یانەکەی.
هەژمارەی فەرمی فێدراسیۆنی تۆپی پێ کرواتیا لە تۆڕی کۆمەڵایەتی تویتەر بڵاویکردەوە، دوای راوێژی پزیشکی هەڵبژاردەکەیان لەگەڵ تیمی پزیشکی یانەی ریال مەدریدی ئیسپانیا، بریاردرا کە ناوەڕاستکاری هەڵبژاردەی وڵاتەکەیان و یانە ئیسپانیەکە بەشداری یاری داهاتوویان نەکات و بگەڕێتەوە یانەکەی.
تاوەکو ئێستا هۆکاری بەشداری نەکردنی لوکا مۆدریچ لە یاری هەڵبژاردەکەی بەرامبەر سلۆڤینیا لە گەڕی پێنجەمی پاڵاوتنەکانی مۆندیالی 2022 ئاشکرا نەکراوە.
