یاریگا–
ئانسۆ فاتی، هێرشبەرە لاوەکەی یانەی بارسێلۆنای ئیسپانیا بەهۆی ئەو پێکانەی تووشی بووە، نزیکەی 9 مانگە لە یاریگاکان دابڕاوە و چاوەڕێش دەکرێت ماوەیەکی دیکە بگەڕێتەوە.
رۆژنامەی وەرزشی ئاسی ئیسپانی بڵاویکردەوە، هێرشبەرە لاوەکەی بلاوگرانا نزیکەی 10 رۆژ لەمەوبەر دوای دابڕانێکی زۆر بەهۆی پێکان، دواجار لەگەڵ یانەکەی بەشداری لە راهێنانە بە کۆمەڵەکان کرد، بۆیە پێشبینی دەکرا ئەو یاریزانە دوای یارییە نێودەوڵەتیەکان بەشداری یارییەکان بکاتەوە، بەڵام تیمی پزیشکی ئەو یانەیە داوای دواخستنی وادەی گەڕانەوەی دەکەن.
سەرچاوەکە ئەو زانیارەشی دەستکەوتووە پزیشکانی بارسێلۆنا داوایان کردووە، فاتی لە یاری بەرامبەر گرانادا لە دوو هەفتەی داهاتوو بگەڕێتەوە، بەم شێوەیە ئەو یاریزانە ناتوانێت لە یاری بەرامبەر سێڤییا لەلالیگا و هەروەها بایرن میونشن لە چامپیۆنزلیگ بەشداری بکات.
