یاریگا–
ئانسۆ فاتی، هێرشبەرە لاوەکەی یانەی بارسێلۆنای ئیسپانیا بەهۆی ئەو پێکانەی وەرزی رابردوو بەرۆکی گرتووە، نەیتوانیوە بەشداری هیچ یارییەکی یانەکەی بکات و ئەمڕۆ بەشداری راهێنانەکانی یانەکەی کردەوە.
رۆژنامەی وەرزشی مۆندۆدێپۆرتیڤۆی کەتەلۆنی بڵاویکردەوە، هێرشبەرە لاوەکەی بلاوگرانا دوای ماوەیەکی درێژ دوور کەوتنەوە بەهۆی پێکان، بەیانی ئەمڕۆ جارێکی دیکە گەڕایەوە و بەشداری راهێنانە بە کۆمەڵەکانی یانەکەی کردەوە، واتە ئەو یاریزانە بە تەواوەتی لە پێکانەکەی رزگاری بووە، بەڵام دەستەی پزیشکی ئەو یانەیە نایەوێت پەلە لە گەڕانەوەی بکات.
سەرچاوەکە ئەوەشی بڵاوکردەوە پێدەچێت فاتێ دوای یارییە نێودەوڵەتیەکان واتە مانگی داهاتوو بگەڕێتەوە یاریگاکان و بەشداری یارییەکانی بارسێلۆنا بکاتەوە.
